aviabiletebi
ახალი ამბები მთავარი საზოგადოება

მაშველებმა ქობულეთში, დაკარგული სამი წლის გოგონა იპოვეს

aviabiletebi
ავიაბილეთები

მაშველებმა ქობულეთში, დაკარგული სამი წლის გოგონა იპოვეს. ამის შესახებ ინფრმაციას საგანგებო სიტუაციების მართვის სამსახური ავრცელებს.

“ქობულეთში, შინაგან საქმეთა სამინისტროს საგანგებო სიტუაციების მართვის სამსახურის სეზონურ მაშველებს, რომლებიც საგუშაგოზე მორიგეობდნენ, მოქალაქემ 3 წლის ბავშვის დაკარგვის შესახებ მიმართა. მშობლის განცხადებით, ბავშვი სანაპირო ზოლზე გაუჩინარდა და მის პოვნას ვერ ახერხებდნენ.

მაშველები დასახმარებლად დაუყონებლივ გავიდნენ, ასევე, ინფორმაცია გადაეცა მახლობლად მყოფ ყველა სამაშველო საგუშაგოს და დაახლოებით ნახევარსაათიანი საძიებო სამუშაოების შემდეგ, ბავშვი გაუჩინარების ადგილიდან დაახლოებით 2 კილომეტრის მოშორებით იპოვეს.

მაშველებმა მშობლებს ბავშვი უვნებლად დაუბრუნეს.

პატარა თავს კარგად გრძნობს. მის სიცოცხლეს და ჯანმრთელობას საფრთხე არ ემუქრება.

საძიებო სამუშაოებში მონაწილეობდნენ შინაგან საქმეთა სამინისტროს საგანგებო სიტუაციების მართვის სამსახურის სეზონური მაშველები და დამატებითი სამაშველო ჯგუფი. ადგილზე მობილიზებული იყო ყველა შესაბამისი სამსახური” – ნათქვამია შინაგან საქმეთა სამინისტროს განცხადებაში.

იტვირთბა....