“ის რაც ახლა პარლამენტში ხდება, ეგ ხდება ქართულ სასამართლოში ყოველ დღე, ბევრი წელია, საბჭოთა კავშირიდან მოყოლებული;
არაფრის საუბარს, არაფრის ახსნას, არაფრის კეთებას აზრი რომ არ აქვს;
არანაირი აზრი!
სისტემამ უკვე გამოიტანა განაჩენი და სისტემის უსახური ჭანჭიკები წინასწარი შეცნობით უბრალოდ მონაწილეობენ სპექტაკლში;
ყველა თავის უბადრუკ როლს ასრულებს;
საღამოს წავლენ და შვილებს ჩაეხუტებიან;
ათწლეულებია ასე იქცევიან და ასე ცხოვრობენ ამ ქვეყანაში მოსამართლეები, პროკურორები, პოლიციელები;
დღეს ამ როლის შესრულება მოუწიათ პარლამენტარებს;
ზემოთ ასე გადაწყდა;
თუ მართლა რამის შეცვლა გვინდა ამ ქვეყანაში, პოლიტიკური ცვლილებით უბრალოდ სისტემის სათავეში კი არ უნდა შევცვალოთ ხალხი – ეს სისტემა მართლა უნდა დავანგრიოთ!;
“გირჩის” ლიდერი ზურაბ ჯაფარიძე; სოციალური ქსელი;
შეგახსენებთ, რომ მელიას იმუნიტეტის მოხსნის მოთხოვნით პარლამენტს პროკურატურამ მიმართა.
15 ხმით, 4-ის წიანაღმდეგ, საპარლამენტო უმრავლესობის გადაწყვეტილებით, გაერთიანებული კომიტეტების სხდომაზე ნიკა მელიასთვის იმუნიტეტის შეჩერების მხარი დაუჭირეს.
ამ წუთებში პარლამენტში მიმდინარეობს პლენარული სხდომა, სადაც გაიმართება კენჭისყრა და საბოლოოდ გადაწყდება შეუჩერდება თუ არა მელიას დეპუტატის მანდატი.