შოუს რომ იძახი, ამიტომაც ხარ ისეთივე კრეტინი, როგორიც არიან სხვები, – ამ სიტყვებით პარლამენტის ბიუროს სხდომაზე, “ნაციონალური მოძრაობის“ თავმჯდომარემ, რომან გოცირიძემ, იურიდიულ საკითხთა კომიტეტის ხელმძღვანელს, ანრი ოხანაშვილს, მიმართა, როცა ოხანაშვილმა დეპუტატ ნიკა მელიას დაპატიმრების საკითხზე ოპოზიციის ემოციური განცხადებებს “შოუს მოწყობა” უწოდა.
გოცირიძის ამ რეპლიკას უმრავლესობის წევრების გაღიზიანება მოჰყვა. პარლამენტის წევრებმა, გიორგი კახიანმა და მიხეილ ყაველაშვილმა, ოპოზიციონერ კოლეგას მიმართეს, რომ ბიუროს სხდომათა დარბაზიდან “გათრეულიყო“. კახიანმა გოცირიძეს “უზრდელი”.
დეპუტატ ნიკა მელიას დაპატიმრებაზე პარლამენტის მიერ პროკურატურისთვის თანხმობის მიცემასთან დაკავშირებით ბიუროს საგანგებო სხდომა ხმაურით წარიმართა.
