ხვალიდან თბილისში ჭავჭავაძის გამზირის სრული რეაბილიტაცია იწყება. ინფორმაციას ამის შესახებ ტელეკომპანია “იმედი” ავრცელებს.
დაგეგმილია ასფალტის საფარისა და მიწისქვეშა კომუნიკაციების განახლება. ასევე შეიცვლება განათება.
რეაბილიტაციის პროცესში სპეციალურ რეჟიმზე გადავა ტრანსპორტის მოძრაობაც. ხვალიდან უნივერსიტეტის პირველი კორპუსიდან პიქსელის შენობამდე საავტომობილო გზა გადაიკეტება.