“ნაციონალური მოძრაობის” წევრმა, ზაალ უდუმაშვილმა თბილისში, რუსთაველის გამზირზე, 9 აპრილის მემორიალთან განაცხადა, რომ ეს დღეს არის რამაც დამოუკიდებლობამდე მიგვიყვანა
მისი თქმით, 9 აპრილი უმნიშვნელოვანესი დღეა საქართველოს უახლეს ისტორიაში.
„ეს არის თარიღი, რომელმაც საფუძველი დაუდო პროცესებს, რომელმაც მიგვიყვანა იქამდე, რომ შევძელით სახელმწიფოებრივი დამოუკიდებლობის აღდგენა. 9 აპრილი არის სიმბოლო იმისა, თუ როგორ უნდა იყოს საქართველო ერთიანი დამოუკიდებლობისთვის ბრძოლაში. 9 აპრილიდან 30 წელი გავიდა, თუმცა ბრძოლა საქართველოს ერთიანობისთვის დღესაც გრძელდება“, – განაცხადა უდუმაშვილმა.
ამასთან, „ნაციონალური მოძრაობის“ წევრი 9 აპრილთან დაკავშირებით პარტია „ქართული ოცნების“ ლიდერის, ბიძინა ივანიშვილს წერილსაც გამოეხმაურა.
„მოდით, დავსვათ კითხვა – ვინ სად იყო 9 აპრილის დღეებში, როდესაც აქ ხალხი იბრძოდა საქართველოს დამოუკიდებლობისთვის, მაშინ სად ბრძანდებოდა ბატონი ბიძინა ივანიშვილი. ეს არის ერთადერთი კითხვა, რომელიც მე მაქვს ამ წერილის ავტორთან“, – განაცხადა უდუმაშვილმა.