“ჰააგასთან თანამშრომლობა, ქალბატონო სალომე, თქვენ იკადრეთ უკადრებელი, რაც საქართველოს არც ერთმა მოქალაქემ, რომელ პარტიასაც არ უნდა მიეკუთვნებოდეს, არ უნდა იკადროს და დამადანაშაულეთ, რომ მე თურმე ჰააგის სისხლის სამართლის სასამართლოსთან ვთანამშრომლობ სახელმწიფოს ინტერესების წინააღმდეგ. მე ამაზე თავის მართლებას არ ვაპირებ, უბრალოდ გეტყვით, რომ გრცხვენოდეთ ამის. გრცხვენოდეთ ყოფილ ელჩს, რომელიც ასეთ უკადრებელს არ უნდა კადრულობდეს. ქართველმა ჯარისკაცებმა ყველაზე კარგად იციან, ვინ მუშაობს მათ ინტერესებში, მათ შორის ისიც ახსოვთ, არაერთი მათგანი რუსეთმა რომ მოგვიკლა, როგორ მიატოვეთ ცხედრები და გამოიქეცით ისე, რომ ფეხებს ირტყამდით კეფაში, ასე რომ, ნუ იკადრებთ იმას, რისი კადრებაც არ შეგეფერებათ”, – ასე მიმართა იუსტიციის მინისტრმა თეა წულუკიანმა პარლამენტში მოხსენებით გამოსვლისას “ნაციონალური მოძრაობის” წევრს სალომე სამადაშვილს, რომელმაც წულუკიანს უთხრა, რომ იუსტიციის სამინისტრო ჰააგის ტრიბუნალთან ქვეყნის ინტერესების საწინააღმდეგოდ თანამშრომლობს.
წულუკიანი – რუსეთმა ჯარისკაცები რომ მოგვიკლა, მიატოვეთ ცხედრები და ისე გაიქეცით, ფეხებს კეფაში ირტყამდით
