ბიზნესი მთავარი საზოგადოება

წამყვანი ინდოელი ბიზნესმენები ანაკლიის ღრმაწყლოვანი პორტისა და სეზ-ის პროექტით დაინტერესდნენ

20 მარტს ანაკლიის ღრმაწყლოვანი პორტისა და ქალაქ ანაკლიის მენეჯმენტმა საქმიანი შეხვედრა გამართა მსხვილ ინდურ ბიზნესკომპანიებთან.
ანაკლიის პროექტებით ინდოეთის „როტერი კლაბის“ (Rotary Club of Delhi Southend) წევრი, სხვადასხვა მიმართულებით მომუშავე წამყვანი ბიზნესკომპანიების წარმომადგენლები დაინტერესდნენ.
სტუმრები ანაკლიის პორტისა და „ანაკლია სითის“ შესახებ პრეზენტაციას დაესწრნენ და ანაკლიის პორტის მენეჯმენტთან ერთად პროექტის დეტალები განიხილეს.
Rotary Club of Delhi Southend-ი ინდოეთის სხვადასხვა სფეროში მოღვაწე 100-მდე ბიზნესმენს აერთიანებს. ანაკლიის მენეჯმენტთან შეხვედრას ესწრებოდნენ 10-მდე სხვადასხვა ბიზნესკომპანიის წარმომადგენლები, რომლებიც თანამედროვე ტექნოლოგიების, ტექნიკის, სამშენებლო დეველოპელური, საავტომობილო მანუფაქტურისა და სხვადასხვა მიმართულებით მუშაობენ.
ანაკლიის ღრმაწყლოვანი პორტი ინდოეთის ბიზნესსექტორის წარმომადგენლებისთვის განსაკუთრებით ტვირთის გადაზიდვის მარშრუტის ფარგლებშია საგულისხმო. კერძოდ, სამხრეთ-დასავლეთ დერეფნის ფარგლებში, რომლის წევრი საქართველოცაა. სამხრეთ-დასავლეთი დერეფნის მეშვეობით ტვირთს ინდოეთსა და ევროპას შორის გადაზიდავენ. ინდოეთსა და ევროპას შორის ვაჭრობა დღეს 110 მილიარდ დოლარს შეადგენს. აღსანიშნავია, რომ საქართველოს მთავრობა, ასევე, მუშაობს ინდოეთთან თავისუფალი სავაჭრო რეჟიმის შემოღებაზე. ანაკლიის ღრმაწყლოვანი პორტი და სპეციალური ეკონომიკური ზონა მნიშვნელოვანი შესაძლებლობაა, გახდეს პლატფორმა ინდოეთის ბიზნესსექტორის დაინტერესებისთვის, ასევე, მნიშვნელოვანი ეკონომიკური პლატფორმა სამხრეთ-დასავლეთის დერეფანში.

გამომწერი

სხვა ამბები

“შიდა კლანურ დაპირისპირებაში მან ვერ მოძებნა საკუთარი ადგილი და სწორედ ამას შეეწირა ის”

newsadmin

“ეს ადამიანი არის უფრო მეტად დამყოლი და უფრო მეტად არის შემჩნეული სხვადასხვა ოდიოზური ადამიანების ინტერესების ლობირებაში”

newsadmin

ელენე ხოშტარია: „ისინი ყველანი წარსულია და თუ მე წავაგებ, ბუა მოდის“

newsadmin

„რანაირად მოახერხა ივანიშვილმა, ქართველების გენეტიკური კოდის შეცვლა ასე, ეს ხომ არ არის ჩვეულებრივი რაღაც, რაც ხდება”

newsadmin

ეკონომიკის ახალმა მინისტრმა 2012 წელს ნაციონალურ მოძრაობას 35 ათასი შესწირა

newsadmin

რანაირად მოახერხა ივანიშვილმა, ქართველების გენეტიკური კოდის შეცვლა ასე – ივანიშვილი

newsadmin
იტვირთბა....