“საქართველოს რკინიგზის” გენერალური დირექტორის დავით ფერაძის ინფორმაციით, რკინიგზის მოდერნიზაციის პროექტი სავარაუდოდ, 2019 წლის ბოლოს, ან 2020 წლის დასაწყისისთვის დასრულდება.
მისი თქმით, თუ დღეს რკინიგზას წელიწადში 27 მილიონი ტონა ტვირთის გატარება შეუძლია, პროექტის დასრულების შემდეგ გამტარუნარიანობა 100 მილიონ ტონას მიაღწევს.
რკინიგზის გენერალური დირექტორის განცხადებით, ინფრასტრუქტურის მოდერნიზაციის შემდეგ ნებისმიერი ტვირთმფლობელი ევროპისა და ჩინეთის მიმართულებით ტვირთის გატარების გარანტიას მიიღებს.