aviabiletebi
ახალი ამბები მთავარი პოლიტიკა საზოგადოება

ირაკლი კობახიძე: გამოხატვის თავისუფლება არავითარ შემთხვევაში უნდა შეიზღუდოს

aviabiletebi
ავიაბილეთები

პარლამენტის თავჯდომარე, ირაკლი კობახიძე კათოლიკოს პატრიარქ ილია მეორის საშობაო ეპისტოლეს ეხმაურება.

კობახიძის თქმით, გამოხატვის თავისუფლება არავითარ შემთხვევაში უნდა შეიზღუდოს და შეილახოს გაუმართლებელი ფორმით.

მისივე განცხადებით, გამოხატვის თავისუფლების ფარგლებში, მათ შორის, კანონმდებლობის ნაწილში, შეიძლება ზომების მიღება.

კითხვაზე, მოსალოდნელია თუ არა, აღნიშნულთან დაკავშირებით, უახლოეს მომავალში, საკანონმდებლო ინიციატივის მომზადება, ირაკლი კობახიძემ უპასუხა, რომ ამაზე საუბარი ნაადრევია.

„ამაზე საუბარი ჯერ ნაადრევია, თუმცა, პრობლემის იდენტიფიცირებაში ალბათ, ვართ ყველა ერთიანი, როგორც პატრიარქი, საპატრიარქო, ასევე, პოლიტიკური სპექტრის სხვადასხვა წარმომადგენლები, საზოგადოების წარმომადგენლები. ყველასთვის, ბუნებრივია, მიუღებელია ის ცილისწამება, შეურაცხყოფა. ე.წ. ყალბი ინფორმაცია, „ფეიქ ნიუსები“, ასევე, მით უმეტეს, ბილწსიტყვაობა, რაც ჩვენ გვესმის, პრაქტიკულად, უკვე ყოველდღიურ რეჟიმში, მედიასივრცე იქნება ეს თუ სოციალური ქსელები თუ ნებისმიერი სხვა საზოგადოებრივი სივრცე, ეს არის ჩვენთვის, ბუნებრივია, მიუღებელი. რა ზომები შეიძლება იქნას ამის წინააღმდეგ მიღებული, შეიძლება თუ არა, რამე გაკეთდეს კანონმდებლობის დონეზე, სხვა სახით – ამაზე, ბუნებრივია, საჭიროა მსჯელობა და ამ მსჯელობის საფუძველზე უნდა მივიღოთ გადაწყვეტილება”, – განაცხადა კობახიძემ და აღნიშნა, რომ არ გამორიცხავს აღნიშნულთან დაკავშირებით, გადაწყვეტილება საგაზაფხულო სესიაზეც იყოს მიღებული.

„ეს აწუხებს ყველას. ეს აწუხებს, რა თქმა უნდა, პატრიარქს, პრეზიდენტს, თითოეულ ჩვენგანს. ეს არის მოცემულობა, ეს არის პრობლემა და ბუნებრივია, პრობლემას სჭირდება დაფიქრება. დაფიქრება არის საჭირო იმაზე, თუ როგორ უნდა მოგვარდეს პრობლემა. რა თქმა უნდა, ჩვენთვის უზენაესია გამოხატვის თავისუფლება და არავითარ შემთხვევაში, გაუმართლებელი ფორმით არ უნდა შეიზღუდოს და არ უნდა შეილახოს გამოხატვის თავისუფლება. გამოხატვის თავისუფლების ფარგლებში, რაც კი ზომა შეიძლება იყოს მიღებული, მათ შორის, კანონმდებლობის ნაწილში შეიძლება ზომების მიღება და ნებისმიერი სხვა ფორმით, უფრო, რა თქმა უნდა, საუბარი შეიძლება იყოს კანონმდებლობაში ცვლილებაზე. ფიქრის დაწყება ახლავეა, ბუნებრივია, საჭირო, მუშაობის დაწყებაც საჭიროა. არ გამოვრიცხავ, რომ თუნდაც, საგაზაფხულო სესიაზე რაიმე გადაწყვეტილება იქნას მიღებული. არის პრობლემა, პრობლემას სჭირდება ანალიზი, ანალიზის შემდეგ არის საჭირო მოქმედება, თუმცა, დღეს, ბუნებრივია, კონკრეტულს დღეს ვერაფერს ვერ გეტყვით“,- განმარტა პარლამენტის თავმჯდომარემ ჟურნალისტებთან საუბრისას.

იტვირთბა....