პროტესტი ფრანგულად (ფოტოკოლაჟი)

საფრანგეთში, 2019 წელს საწვავზე ფასები აღარ გაიზრდება. აღნიშნული გადაწყვეტილება საფრანგეთის პრეზიდენტმა, ემანუელ მაკრონმა, ქვეყანაში გამართული მასობრივი საპროტესტო აქციების შემდეგ მიიღო.

საპროტესტო აქციები საფრანგეთში 17 ნოემბერს დაიწყო.

აქციის მონაწილეებმა ავტომანქანები დაწვეს, ჩაამსხვრიეს მაღაზიის ვიტრინები და დააზიანეს ტრიუმფალური თაღიც. “ყვითელი ჟილეტები“ – ასე უწოდებენ საკუთარ თავს ის აქტივისტები, რომლებიც ქუჩაში მაკრონის წინააღმდეგ გამოვიდნენ.

აქციების დროს 4 ადამიანი დაიღუპა და ასობით დაშავდა.

„პრეზიდენტი მიხვდა, რომ საწვავის გადასახადების ზრდაზე მორატორიუმის დაწესება ხალხმა, როგორც ნახევარზომა აღიქვა და მიიჩნია, რომ ამ საკითხში საჭიროა სრული მოცულობით ზომების მიღება“, – განაცხადეს საფრანგეთის პრეზიდენტის ადმინისტრაციაში.

ფოტოები: www.vox.com