ვალების ჩამოწერის აქციაში „ვივუსიც“ ჩაერთვება.
როგორც „ბიზნესპრესნიუსს“ ფონდ „ქართუში“ განუცხადეს, “ვივუსთან” მუშაობა უკვე მიმდინარეობს.
“ეს კომპანიაც ჩართულია პროცესში და მიმდინარეობს მუშაობა მათთანაც. ჩვენთან თანამშრომლობის სურვილი მათი მხრიდანაც გამოითქვა.“- განაცხადა ფონდი „ქართუს“ გამგეობის თავმჯდომარე ნიკოლოზ ჩხეტიანმა. მისივე ინფორმაციით, საიტი ტექნიკურად მზად არის, მაგრამ ამ ეტაპზე ხდება მოვალეთა სიების დაზუსტება საკრედიტო დაწესებულებებთან. „ველოდებით სიების მოწოდებას და როგორც კი მივიღებთ, ინფორმაცია აისახება საიტზე“, – აღნიშნა ჩხეტიანმა.
