გორის მუნიციპალიტეტის სოფელ ორთაშენში ქვეითად მიმავალ ორ სამხედროს ავტომობილი დაეჯახა.
სასწრაფო სამედიცინო დახმარების ბრიგადამ ორივე დაშავებული გორის სამხედრო ჰოსპიტალში გადაიყვანა.
როგორც თავდაცვის სამინისტროს პრესსამსახურში აცხადებენ, დაშავებული ჯარისკაცებიდან ერთი მალევე გაეწერა. მეორე ჯარისკაცს კი ტვინის მსუბუქი შერყევა აღენიშნება. მისი ჯანმრთელობის მდგომარეობა დამაკმაყოფილებელია.
მომხდარს გორის პოლიცია იძიებს.