aviabiletebi
ახალი ამბები მთავარი საზოგადოება

მერია: ტაქსების რეგისტრაცია დღეს, მუნიციპალური სერვისების განვითარების სააგენტოშია შესაძლებელი

aviabiletebi
ავიაბილეთები

ტაქსების რეგისტრაცია დღეს, მუნიციპალური სერვისების განვითარების სააგენტოს მომსახურების ცენტრებში იქნება შესაძლებელი. ამის შესახებ თბილისის მერიაში აცხადებენ.

მსურველები რეგისტრაციას 29 სექტემბერს, 18:00 საათამდე შემდეგ სერვის ცენტრებში გაივლიან: ქ. თბილისის მუნიციპალიტეტის მერიის შენობაში არსებული სერვის ცენტრი – შარტავას ქუჩა N7; ვაკის სერვის ცენტრი – თამარაშვილის ქუჩა N10ა; გლდანის სერვის ცენტრი – დ. სარაჯიშვილის ქუჩა N1გ; ისნის სერვის ცენტრი – ნავთლუღის ქუჩა N8/1; დიდუბის სერვის ცენტრი – რობაქიძის გამზირი N2; სამგორის სერვის ცენტრი – მოსკოვის გამზირი N14; კრწანისის სერვის ცენტრი – ორთაჭალის ქუჩა N4, II სართული, საუბნო განყოფილების შენობა; მთაწმინდის სერვის ცენტრი – ძმები ზუბალაშვილების ქუჩა N48; ჩუღურეთის სერვის ცენტრი – ზაზიაშვილის ქუჩა N2, დადიანის ქუჩა N1 (არმისული ქარვასლასთან, საუბნო განყოფილების შენობა); საბურთალოს სერვის ცენტრი – ა. მიცკევიჩის ქუჩა N29; ნაძალადევის სერვის ცენტრი – გურამიშვილის გამზირი, N16 კორპუსის მიმდებარედ.

ტაქსების რეგისტრაცია 1-ელი აგვისტოდან დაიწყო. ნებართვის აღება შესაძლებელია, როგორც ელექტრონული ფორმით, ასევე დედაქალაქის ათივე რაიონის გამგეობაში. 21 აგვისტოდან ნებართვის მიღება შესაძლებელი გახდა იუსტიციის სახლშიც. ამჟამად გაცემულია 9600-ზე მეტი ნებართვა.

აღნიშნული მომსახურების განხორციელების მსურველს ნებართვის აღება შეუძლია მომდევნო პერიოდშიც, თუმცა, ნებართვის მოპოვებამდე ტაქსებს 1-ელი ოქტომბრიდან ეკრძალებათ მომსახურების გაწევა და ნებართვის არმქონე ტაქსის მფლობელი დაჯარიმდება.

იტვირთბა....