შინაგან საქმეთა სამინისტროს ინფორმაციით, თორნიკე მერაბაშვილის მკვლელობის ობიექტური გამოძიების მოთხოვნით გამართული აქციის არც ერთი მონაწილე დაკავებული არ არის.
“ამ ეტაპზე არავინ არ არის დაკავებული. დამატებითი ინფორმაცია მოგვიანებით გახდება ცნობილი”, – უთხრა რადიო “მოზაიკას” სამინისტროს წარმომადგენელმა.
შეგახსენებთ, რომ 18 წლის თორნიკე მერაბაშვილი, სოფელ ხელთუბანში, 6 ივლისს გარდაიცვალა. საქმის დროული და ობიექტური გამოძიების მოთხოვნით, გარდაცვლილის ახლობლები აქციებს დღეს დილიდან მართავენ.
ავტორი: ნოდარ სხირტლაძე