შიმშილობის მეოთხე დღე – “სვეტის” დაზარალებული მენაშენეები სამშენებლო კომპანიის სათაო ოფისში პროტესტის უკიდურეს ზომაზე უარის თქმას მათი მოთხოვნების შესრულებამდე არ აპირებენ. დაზარალებულები ხვალ თბილისის მერს შეხვდებიან. ამის შესახებ ინფორმაცია მერის მოადგილესთან გუშინდელი აუდიენციის შემდეგ გახდა ცნობილი. ინფრმაციას რუსთვი2 ავრცელებს.
“სანამ კონკრეტულ პასუხებს არ მივიღებთ, აქამდე დაშლას არ ვაპირებთ. ბატონ კახიმაც გამოთქვა სურვილი შეხვედრაზე. ორშაბათს შეხვედრა შედგება და შემდეგ მივიღებთ გადაწყვეტილებას რას ვაპირებთ და როგორ,“-განაცხადა ერთ-ერთმა დაზარალებულმა ბიძინა მშვილდაძემ.
დეველოპერული კომპანიის ბალანსზე დედაქალაქში 4, ხოლო ბათუმში 1 დაუსრულებელი მშენებლობაა.
აქციის მონაწილეები ამბობენ, რომ რაიმე გზით მერიამ უნდა უზრუნველყოს მათი პრობლემების გადაჭრა. თუნდაც ეს მოხდეს ინვესტორის ჩანაცვლების გზით.
შეგახსენებთ, რომ დაზარალებულები ამბობენ, რომ კომპანიაში მათ ეუბნებოდნენ, რომ მშენებლობა დაზღვეულია „ალდაგში” შესაბამისად მათ შიში იმის, რომ “სვეტი“ ბინებს არ ჩააბარებდა არ ჰქონიათ.