ზუგდიდი-ჯვარი-მესტია-ლასდილის საავტომობილო გზის 192-ე კილომეტრზე, კონკრეტულად კი უშგული-ლასდილის მონაკვეთზე გზის სავალი ნაწილი ჩაწყდა. აღნიშნულ მონაკვეთზე იკრძალება ყველა სახის ავტოტრანსპორტის მოძრაობა. ამის შესახებ ინფორმაციას საავტომობილო გზების დეპარტამენტი ავრცელებს.
ადგილზე მობილიზებულია შესაბამისი ტექნიკა და გზის აღდგენითი სამუშაოები მიმდინარეობს.
