სამების ტაძარში კათოლიკოს პატრიარქმა ილია მეორემ მრევლს ამაღლება მიულოცა და ქადაგებისას ოჯახის სიწმინდის დაცვის დღესთან დაკავშირებითაც ილაპარაკა.
“სიხარული გაუგებარია, როცა საყვარელი პიროვნება გშორდება შენ, მაგრამ მოციქულებს მუდამ ახსოვდათ: “მე თქვენთან ვარ ყოველთა დღეთა, ვიდრე აღსასრულისა”. დღესაც მაცხოვარი ჩვენი ჩვენთან არს. მადლობა უფალს დიდი წყალობისთვის. დღეს კიდევ ერთი დღესასწაულია – ოჯახის სიმტკიცისა და სიწმინდის დღე. ოჯახია საფუძველი სახელმწიფოსი, ქვეყნისა და შევთხოვთ უფალს, რომ ბედნიერი იყოს ჩვენი ოჯახები”, – თქვა კათოლიკოს პატრიარქმა.