„ჯორჯიან უოთერ ენდ ფაუერსის” მუშები სამუშაო დროის ზრდასა და ხელფასების იგივე რაოდენობით დატოვებას აპროტესტებენ.
მუშებმა კომპანიის ერთ-ერთ ობიექტთან აქცია გამართეს. აქციის ორგანიზატორები შეხვდნენ კომპანიის ხელმძღვანელებს, თუმცა როგორც თავად აცხადებენ ხელმძღვანელებისგან მათ ვერ მოისმინეს პრობლემის მოგვარების რეალური სურვილი, რის გამოც მუშაობაზე უარს აცხადებენ და მოთხოვნების დაკმაყოფილებამდე გაფიცულები იქნებიან.
ამ ეტაპზე გაფიცულია 200-მდე მუშა.
კომპანიის წარმომადგენლების თქმით მიმდინარეობს ახალი სამუშაო გრაფიკის შედგენა. ასევე მათი თქმით, ახალი გრაფიკი შეთანხმდება ორივე მხარის ინტერესების გათვალისწინებით.