ჭიათურაში ხუთსართულიან კორპუსს ხანძარი გაუჩნდა. ჭიათურის მუნიციპალიტეტის მერიის ინფორმაციით, მაშველებმა კორპუსში მყოფი ყველა მოსახლის უსაფრთხოდ გამოყვანა შეძლეს. ხანძრის ლიკვიდირებას ჭიათურისა და საჩხერის სამაშველო სამსახურები სამი საათის განმავლობაში ცდილობდნენ.
ჭიათურის მუნიციპალიტეტის მერი კორპუსის მცხოვრებლებს მხარდაჭერას დაჰპირდა და დროებით საცხოვრებელში გადაყვანა შესთავაზა.