ვანო მერაბიშვილის საქმეზე გადაწყვეტილება ადამიანის უფლებათა ევროპულმა სასამართლომ დღეს უნდა გამოაცხადოს. საქმე ეხება მისი საკნიდან გაყვანის ეპიზოდს. დიდი პალატის მიერ მიღებული დასკვნა სასამართლოს ოფიციალურ ვებგვერდზე თბილისის დროით სამის ნახევრისთვის უნდა გამოქვეყნდეს.
როგორც მერაბიშვილის ადვოკატი აცხადებს, იმ შემთხვევაში თუ სტრასბურგმა დაადასტურა, რომ სახელმწიფოს მხრიდან დარღვეულია ადამიანის უფლებათა კონვენციის მე-18 მუხლი, ეს იქნება დადასტურება, რომ მერაბიშვილი პოლიტიკური პატიმარია და ხელისუფლება ვალდებული იქნება ის გაათავისუფლოს.