“საქართველო, ეს შენთვის არის, შენთვის… საქართველოში ჩამოვა თასი და ბეჭედი” – ასეთი კომენტარი გააკეთა ქართველმა კალათბურთელმა ზაზა ფაჩულიამ ამერიკის ნაციონალური საკალათბურთო ასოციაციის 2016/17 წლების ლიგაში გაჩემპიონების შემდეგ.
ცნობილი ქართველი კალათბურთელი ამერიკის ნაციონალური საკალათბურთო ასოციაციის ჩემპიონი “გოლდენ სტეიტში” გახდა. მისმა გუნდმა ოკლენდში, ფინალური სერიის მეხუთე მატჩში “კლივლენდ კავალიერსი” 129:120 დაამარცხა და სერია 4:1 მოიგო.
აღსანიშნავია, რომ ზაზა ფაჩულია პირველი ქართველი კალათბურთელია, ვინც მსოფლიოს უძლიერესი საკალათბურთო ლიგის გამარჯვებული გახდა.