24 ივნისს, თურქეთში ვადამდელი საპრეზიდენტო და საპარლამენტო არჩევნები ჩატარდება. ამის შესახებ განცხადება რეჯეფ თაიფ ერდოღანმა გააკეთა. ინფორმაციას The Guardian-ი ავრცელებს.
თურქეთში საპრეზიდენტო და საპარლამენტო არჩევნები 2019 წლის ნოემბერში უნდა ჩატარებულიყო.
ერდოღანმა ეს გადაწყვეტილება დევლეთ ბაჰჩელთან შეხვედრის შემდეგ მიიღო, რომელიც ნაციონალისტური მოძრაობის პარტიის ლიდერია. ვადამდელი არჩევნების იდეით ბაჰჩელი ჯერ კიდევ წინა დღეებში გამოვიდა.