ფლორიდის შტატის ერთ-ერთ სკოლაში 19 წლის ნიკოლას კრუზმა ცეცხლი გახსნა, რის შედეგადაც 17 ადამიანი დაიღუპა.
როგორც CNN-ი იუწყება, 19 წლის თავდამსხველი აღნიშნული სკოლიდან უცნობი დისციპლინური დარღვევის გამო გარიცხეს. ის სამართალდამცველებმა უკვე დააკავეს.
აღნიშნულმა ფაქტმა, რომელიც ამერიკის თანამედროვე ისტორიაში ასეთი მასობრივი სროლების ათეულში შედის, დებატები განაახლა იარაღის კონტროლის შესახებ.
ფაქტს აშშ-ს პრეზიდენტი დონალდ ტრამპი სოციალურ ქსელში გამოეხმაურა. მისი თქმით, სკოლებში მოსწავლეები და მასწავლებლები თავს დაუცველად არ უნდა გრძნობდნენ.