ელექტროენერგიის გათიშვის გამო, თბილისის საქალაქო სასამართლოში სხდომები შეფერხებით იმართება.
ამ მიზეზით ვერ დაიწყო ხორავას ქუჩის საქმეზე ჩვენების შეცვლისთვის ბრალდებული დ.ღ.-ს საქმის განხილვას, ამიტომაც ადვოკატები და პროკურორები დენის ჩართვას სასამართლოს დერეფანში ელოდებიან.
აღსანიშნავია, რომ 19 იანვარს გადის 6-თვიანი ვადა, როცა არასრულწლოვანი დ.ღ.-სთვის არასრულწლოვანთა მართლმსაჯულების კოდექსით აღკვეთის ღონისძიებად პატიმრობა შეიძლება იყოს შეფარდებული. დ.ღ-ს ადვოკატს მოლოდინი აქვს, რომ სასამართლო სხდომაზე მისი დაცვის ქვეშ მყოფს სასამართლო აღკვეთის ღონისძიებას შეუცვლის.