იუსტიციის მინისტრმა თეა წულუკიანმა დავით ჭიჭინაძის “ქართული ოცნებიდან” გარიცხვაზე ჟურნალისტებთან კომენტარი გააკეთა და განაცხადა, რომ დეპუტატს პირადად არ იცნობს.
„პარტიამ მიიღო ეს გადაწყვეტილება, რაც მიიღო. მე ამაში ჩართული არ ვყოფილვარ. შემიძლია, საზოგადოებასაც ვუთხრა, რომ არასოდეს არ მქონია შესაძლებლობა, დავით ჭიჭინაძესთან რაიმე საკითხზე მემუშავა. მას არ ვიცნობ, არც შევხვედრილვარ. შესაბამისად, მისი ჩემდამი ასეთი მწვავე კრიტიკა და აგდებული დამოკიდებულება ყოველთვის გასაკვირი იყო”, – განაცხადა თეა წულუკიანმა.