“ჩემპიონის წინააღმდეგ კარგი მატჩი იყო”: ბასილაშვილი მერვედფინალის შემდეგ კომენტარს აკეთებს

ჩემპიონის წინააღმდეგ კარგი მატჩი იყო და რაფას შემდეგ რაუნდში წარმატებებს ვუსურვებ“, – წერს ნიკოლოზ ბასილაშვილი “ფეისბუქი”-ს პირად გვერდზე.

მსოფლიოს პირველმა ჩოგანმა ოთხ სეტში მოუგო ქართველ ნიკოლოზ ბასილაშვილს და მეოთხედფინალში გავიდა – 6:3, 6:3, 6:7(6), 6:4. რაფაელ ნადალმა კორტზევე გააკეთა კომენტარი უმძიმესი მოგების შემდეგ. მისი თქმით, ნიკოლოზ ბასილაშვილმა ბრწყინვალედ ითამაშა.

აშშ-ის ღია პირველობის მეშვიდე დღის შემდეგ ტურნირის ოფიციალურ გვერდზე დღის ხუთი საუკეთესო მომენტის ვიდეო გამოქვეყნდა.

ნიკოლოზ ბასილაშვილისა და რაფაელ ნადალის მატჩიდან ამ ხუთეულში ქართველი ჩოგბურთელის ბადესთან გასვლისა და უზუსტესი დარტყმის მომენტი მოხვდა, რომელიც ორგანიზატორებმა მეორე ადგილზე გაიყვანეს.

(ნახეთ ვიდეო აქ)