“რუსთავი 2”-ის გენერალური დირექტორი, ნიკა გვარამია საფრანგეთში მიმდინარე საპრეზიდენტო არჩევნებს სოციალურ ქსელში ეხმაურება და საკუთარ სიმპათიას ლიდერ კანდიდატ ემანუელ მაკრონის მიმართ გამოხატავს:
“ძალიან მხიბლავს ეს ქარიზმატული, ენერგიული, ახალგაზრდა (39) ცენტრისტი. დარწმუნებული ვარ, 7 მაისს საფრანგეთის პრეზიდენტი გახდება და უსახური და გადაბერებული ლიდერებიანი ევროპა, ბოლო-ბოლო შეიძენს პრინციპულ, თანმიმდევრულ, სიმპატიურ და ქარიზმატულ ლიდერს!
p.s. და ცოტა არაპროგნოზირებადსაც, ლამის კონფორმიზმამდე მისული ზერაციონალური უმარილო ევროპელი ლიდერების ფონზე”-წერს გვარამია და მაკრონის ფოტოსაც აქვეყნებს.
საფრანგეთის საპრეზიდენტო არჩევნების პირველ ტურში, წინასწარი მონაცემებით, ემანუელ მაკრონმა გაიმარჯვა. მეორე ადგილზე კი, მარინ ლე პენია.
უცხოური მედიის ცნობით, ემანუელ მაკრონ სხმა მისცა ამომრჩეველთა 24%-მა, მეორე ადგილზეა მარინ ლე პენი, ხმათა 23,7%-ით.
არჩევნებში ამომრჩევლების აქტივობამ 77% შეადგინა.
საფრანგეთის საპრეზიდენტო არჩევნების მეორე ტური 7 მაისს ჩატარდება.
არჩევნებში სულ 11 კანდიდატი მონაწილეობდა.