aviabiletebi
ახალი ამბები მთავარი საზოგადოება

“ცესკო-ს წინააღმდეგ კამპანია „ნაციონალურმა მოძრაობამ“ დაიწყო”

aviabiletebi
ავიაბილეთები

საქართველოს იუსტიციის მინისტრმა თეა წულუკიანმა ცესკო-ს მიმართ ოპოზიციის მიერ გამოთქმულ პრეტენზიებს ანტიპროპაგანდა და მიზანმიმართული თავდასხმები უწოდა.

„კამპანია, რომელიც ხორციელდება ცესკო-ს და ზოგადად საარჩევნო ადმინისტრაციის წინააღმდეგ, ეს „ერთიანი ნაციონალური მოძრაობისა“ და მისი ფილიალების მიერ დაწყებული კამპანიაა, ეს ფაქტია. ამის დასტურია საუბარი ბოლო უწყებათაშორისი კომისიის სხდომაზე, თითქოს „ქართული ოცნების“ წევრები, სუს-ის ოჯახის წევრები არიან საოლქო კომისიებში და სხვაგან, მაგრამ საია-ს წარმომადგენელმა ამასთან დაკავშირებით დოკუმენტები ვერ წარმოგვიდგინა“, – განაცხადა წულუკიანმა.

მისივე თქმით, საია-ს ამ დრომდე არ წარუდგენია უწყებათაშორის კომისიაზე, რას ეყრდნობოდა კვლევა საარჩევნო ადმინისტრაციის დარღვევებთან დაკავშირებით.

შეგახსენებთ, რომ „ნაციონალური მოძრაობის“ პრეტენზია საოლქო და საუბნო კომისიების დაკომპლექტებას შეეხება. პარტიის წევრმა, ლევან ბეჟაშვილმა პრესკონფერენციაზე ჩანაწერი წარადგინა, სადაც მისივე თქმით, ინკოგნიტო პირი კრწანისის რაიონის საოლქო და საუბნო კომისიების თავმჯდომარეებს ესაუბრება, რომლებიც ამბობენ, რომ კომისიაში დასასაქმებელ პირთა სიებს მმართველი პარტიის კრწანისის რაიონის კურატორისგან იღებენ. ბეჟაშვილის თქმით, ასეთ პირობებში არჩევნების ჩატარება არალეგიტიმურია.

როგორც პარტიაში განაცხადეს, თამარ ჟვანიამ ცესკო „ქართული ოცნების“ შტაბად გადააქცია.

იტვირთბა....