ქინძმარაულის ქუჩაზე გაზგასამართი სადგურის ტერიტორიაზე აფეთქება მოხდა. შედეგად 3 ადამიანია დაშავებული. ისინი სტაციონარში არიან გადაყვანილი.
როგორც საგანგებო სიტუაციების მართვის სააგენტოში აცხადებენ, ადგილზე 5 სამაშველო ჯგუფი იყო მობილიზებული. ამ ეტაპზე ხანძარი ლიკვიდირებულია. უწყების ინფორმაციით, ცეცხლი დიდ ფართობზე არ გავრცელებულა.
გაზგასამართ სადგურზე მომხდარი აფეთქების შედეგად დაზიანებულია შენობის სახურავი და დანადგარი.