ახალი წელი, ქართველმა მშვიდობისმყოფელებმა ავღანეთში, ბაგრამის საავიაციო ბაზაზე კონცერტით აღნიშნეს.
ქართული ფოლკლორი, სიმღერები და ცეკვები შეიარაღებული ძალების III ქვეითი ბრიგადის 31-ე ბატალიონის პირადმა შემადგენლობამ შეასრულა. ღონისძიება საქართველოს სახელმწიფო ჰიმნით და საქართველოს ერთიანობისთვის დაღუპული ქართველი ჯარისკაცების ხსოვნისადმი მიძღვნილი, წუთიერი დუმილით დაიწყო.
საახალწლო ღონისძიება დაჯილდოების ცერემონიალით გაგრძელდა. საპატიო სიგელები სხვადასხვა სიტუაციურ სწავლებასა და სპორტულ ღონისძიებაში გამარჯვებულ ქართველ და ამერიკელ სამხედრო მოსამსახურეებს გადაეცა.
