უკრაინასა და ირანს ტვირთების გადაზიდვა საქართველოს გავლით სურთ. უკრაინის ინფრასტრუქტურის მინისტრის განცხადებით, სატესტო მატარებელი უკვე ზაფხულში, სასოფლო-სამეურნეო პროდუქციის ტრანსპორტირებისთვის გაეშვება.
საქართველოს გარდა, დერეფანი აზერბაიჯანსაც მოიცავს. „უკრაინამ უნდა განავითაროს ახალი საერთაშორისო სატრანსპორტო დერეფნები, რომ გახდეს სანდო სატრანზიტო ხიდი ევროპის, აზიისა და აღმოსავლეთის ქვეყნებს შორის“, – განაცხადა ვლადიმირ ომელიანმა. უკრაინისა და ირანის წარმომადგენლებს შორის მოლაპარაკებები კიევში შედგა.