ევროკავშირის საბჭომ რამდენიმე წუთის წინ დაამტკიცა ცვლილება რეგულაციაში, რომელიც საქართველოს მოქალაქეებისთვის უვიზო მიმოსვლის რეჟიმის შემოღებას ითვალისწინებს.
ევროპარლამენტის ოფიციალურ ვებგვერდზე დაანონსებულია, რომ პირველ მარტს ევროპარლამენტის პრეზიდენტი და ევროკავშირის თავმჯდომარე ქვეყნის წარმომადგენელი გადაწყვეტილებას ხელს მოაწერენ.
გადაწყვეტილება ხელის მოწერიდან ერთ-ორ კვირაში ოფიციალურ ჟურნალში გამოქვეყნდება, გამოქვეყნებიდან 20 დღეში კი, ამოქმედდება.
საქართველოს მოქალაქეები შენგენის ზონაში უვიზოდ გადაადგილებას, სავარაუდოდ, მარტის ბოლოდან შეძლებენ.