ნატოს სამიტის ფარგლებში, ალიანსის გენერალურმა მდივანმა იენს სტოლტენბერგმა განაცხადა, რომ ნატო-რუსეთის ურთიერთობებში პრობლემები არ ნიშნავს რუსეთის იზოლირებას.
“ჩვენ არ ვცნობთ ყირიმის ანექსიას, კიბერსივრცეში ქმედებებს, არჩევნებში ჩარევას, ჩვენ ვნახეთ ინციდენტი სოლსბერიში, თუმცა არ ვთვლი, რომ ეს რუსეთის იზოლირების არგუმენტაციაა. დარწმუნებული ვარ, რომ როდესაც დაძაბულობა რუსეთთან მაღალია, საჭიროა დიალოგი.
ალიანსის წევრების მიმართ რუსეთის მხრიდან უშუალო საფრთხეს არ ვხედავთ, თუმცა დავინახეთ, თუ როგორ იყენებდა რუსეთი ძალას თავისი მეზობლების – უკრაინის და საქართველოს წინააღმდეგ”, – აღნიშნა სტოლტენბერგმა.