სომალის დედაქალაქ მოგადიშუში აფეთქების შედეგად დაღუპულთა რაოდენობა 276-მდე გაიზარდა. ინფორმაციას ამის შესახებ ქვეყნის ოფიციალური უწყებები არვცელებენ.
აფეთქების შედეგად 300-ზე მეტი ადამიანი დაშავდა, რომლებიც ამ დრომდე საავადმყოფოში მკურნალობენ.
სომალის ისტორიაში ყველაზე მასშტაბური ტერაქტი 2 დღის წინ მოხდა. მოგადიშუს ერთ-ერთ სასტუმროს შესასვლელთან დანაღმული სატვირთო მანქანა აფეთქდა. რამდენიმე საათში კი, აფეთქების ხმა ქალაქის სხვა რაიონშიც გაისმა.
ქვეყანაში 3 დღიანი გლოვაა გამოცხადებული. პასუხისმგებლობა ტერაქტებზე ამ დრომდე არცერთ დაჯგუფებას არ აუღია.
როგორც ადგილობრივ პოლიციაში აცხადებენ, ეს არის ეს არის აფეთქება, რომელსაც ყველაზე მასშტაბური მსხვერპლი მოჰყვა.