საქართველოში ამინდი გაუარესდება. გარემოს ეროვნული სააგენტოს ინფორმაციით, 11 თებერვლიდან 13 თებერვლამდე საქართველოში წვიმაა მოსალოდნელი.
მათივე ცნობით, მაღალ მთაში მოსალოდნელია თოვლი, 11 თებერვალს ნავარაუდევია აღმოსავლეთის, ხოლო 12 თებერვალს დასავლეთის მიმართულების ძლიერი ქარი, მაღალმთიან ზონაში ზოგან ქარბუქი, ზღვაზე კი 3-4 ბალიანი შტორმი.
გარემოს ეროვნული სააგენტოს ცნობით, ნალექის მატებამ შესაძლოა მდინარეებზე წყლის დონის მატება გამოიწვიოს.