აშშ-ს სამხედრო ხომალდი „ჯონ მაკკეინი“ სავაჭრო გემს შეეჯახა. აღნიშნულის შესახებ ინფორმაციას აშშ-ს მეშვიდე ფლოტის სარდლობა ავრცელებს.
ხომალდი სინგაპურის პორტში მიემართებოდა. წინასწარი ინფორმაციით, ხომალდმა დაზიანება ხომალდის წინა ნაწილში მიიღო.
რამდენიმე მეზღვაური დაკარგულად ითვლება, და ხუთზე მეტი დაშავებულია. მეზღვაურების ძებნის ოპერაცია ამ დრომდე მიმდინარეობს.
აღსანიშნავია, რომ ფაქტს აშშ-ს პრეზიდენტი დონალდ ტრამპიც ტვიტერზე გამოეხმაურა. მისი თქმით, ის მეზღვაურეების გვერდზე დგას და ყველაფერს გააკეთებს პრობლემის მოსაგვარებლად.
