ვის ისურვებდა საქართველოს პრეზიდენტთან, საპატრიარქოში არსებული ვითარება – “მეტრონომმა” “რესპუბლიკური” პარტიის წევრ თამარ კორძაიასთან ბლიც-ინტერვიუ ჩაწერა.
მეტრონომი: მარიხუანა თუ გაქვთ მოწეული?
თამარ კორძაია: კი, მოწეული მაქვს. ერთხელ გავსინჯე.
მეტრონომი: ყველაზე სიმპატიური ქართველი კაცი პოლიტიკოსი..
კორძაია: ვერ გეტყვით, არ მიფიქრია. სავარაუდოდ, ბევრნი იქნებიან.
მეტრონომი: 17 მაისი ოჯახის სიწმინდის თუ ჰომოფობიასთან ბრძოლის დღე?
კორძაია: ჰომოფობიასთან ბრძოლის დღე. ოჯახის სიწმინდის დღე ხელოვნურად შექმნილი დღესასწაულია. ოჯახის სიწმინდის დღე არ მესმის რა არის. ოჯახის სიწმინდე არსებობს მუდმივად ცხოვრებაში და ამას ცხოვრებით ამტკიცებ.
მეტრონომი: თქვენი ნება რომ იყოს, ქვეყანაში რას აკრძალავდით?
კორძაია: არაფერს ავკრძალავდი. რაც სისხლის სამართლის კოდექსითაა აკრძალული ის საკმარისია. უფრო მეტიც კი არის ამ კოდექსში ჩაწერილი.
მეტრონომი: ვის ისურვებდით საქართველოს პრეზიდენტად?
კორძაია: დიმიტრი გელოვანს.
მეტრონომი: “აიისა”..
კორძაია: “აიისა” არის კრეატიული, საინტერესო კომპანია, რომელიც გამოხატვის თავისუფლების ფარგლებში ჯდება.
მეტრონომი: რას ფიქრობთ მარიხუანას ლეგალიზაციაზე?
კორძაია: პერსონალურად მარიხუანას ლეგალიზაციის მომხრე ვარ. პარტია დეკრიმინალიზაციის მომხრეა. პრინციპში ეს საკითხი რომ დარეგულირებული იყოს და არ ხდებოდეს ის რაც ხდება, კარგი იქნებოდა.
მეტრონომი: როგორ უნდა მოგვარდეს საპატრიარქოში არსებული პრობლემა?
კორძაია: გამჭირვალობით. თანამედროვე სამყაროში ვერაფერი გვარდება, რაც დახურულ კარს მიღმა მიმდინარეობს. პროცესი უნდა გაიხსნას, ყველა პრობლემაზე უნდა დაიწყოს ღიად საუბარი, საკუთარი სისუსტეები უნდა გადავლახოთ და პრობლემას თვალებში უნდა შევხედოთ.
მეტრონომი: წიგნი, რომელმაც თქვენზე ყველაზე დიდი გავლენა მოახდინა..
კორძაია: ბევრია ასეთი, ადამიანზე ყველა წიგნი რაღაც გავლენას ახდენს. თუმცა, გეტყვით.. მილან კუნდერას “უკვდავება” იყო, რომელმაც ძალიან იმოქმედა.
მეტრონომი: ივანიშვილი თუ სააკაშვილი?
კორძაია: არცერთი
მეტრონომი: მარგველაშვილი თქვენში რა ასოციაციას იწვევს?
კორძაია: პრეზიდენტის, რომელიც 5 წელი იყო ამ პოსტზე.
მეტრონომი: ღამის კლუბში თუ ყოფილხართ და რომელში?
კორძაია: ახალგაზრდობაში კი და ახლა არ ვყოფილვარ. თბილისში არ იყო, ბათუმში ვიყავი, სახელი არ მახსოვს, ახალგაზრდა ვიყავი მაშინ, ზაფხული იყო.
მეტრონომი: საზმაუ გვჭირდება თუ არა?
კორძაია: კი, რა თქმა უნდა. ბუნებრივია, გაუმჯობესებული ფორმით, ვისურვებდი BBC-ის მსგავსს.