aviabiletebi
ახალი ამბები მთავარი საზოგადოება

პირველად საქართველოში ღვინის ეტიკეტზე ინფორმაცია ბრაილის შრიფტით დაიტანეს

aviabiletebi
ავიაბილეთები

საქართველოში პირველად ჩამოასხეს ღვინო, რომლის ბოთლზეც ინფორმაცია ბრაილის შრიფტით არის დატანილი. ბრაილის შრიფტიანი ეტიკეტით საფერავი ღვინის მაღაზიებში 1-ლი თებერვლიდან გაიყიდება.

ღვინო კომპანია „ნავაზელმა“ ჩამოასხა, ბრაილის შრიფტით ეტიკეტის დამზადების ინიციატივა არასამთავრობო ორგანიზაცია „მომავლის სოფელს“ ეკუთვნის. „ნავაზელის“ დამფუძნებლის გურამ მეგრელიშვილის თქმით, საქართველო პოსტსაჭოთა ქვეყნებს შორის პირველია, სადაც ასეთი ღვინო გამოვიდა, მსოფლიოში კი ბრაილის შრიფტიანი ეტიკეტით ღვინის ჩამოსხმის რამდენიმე პრეცედენტი არსებობს.

„მომხმარებელს, რომელსაც მხედველობა შეზღუდული აქვს, ბრაილის შრიფტის საშუალებით შესაძლებლობა ექნება თავად გაეცნოს ინფორმაციას ღვინის შესახებ – როგორ არის დაყენებული, რა ჯიშის ყურძენია და სად არის მოყვანილი, რომელ კერძთან უნდა მივირთვათ ის“, – ამბობს გურამ მეგრელიშვილი.

კომპანია „ნავაზელმა“ საწყის ეტაპზე 880 ბოთლი ბრაილის შრიფტიანი ღვინო ჩამოასხა. ბოთლის ფასი დაახლოებით 19 ლარი იქნება.

წყარო: reginfo.ge 

იტვირთბა....