ეკონომიკისა და მდგრადი განვითრების მინისტრის დიმიტრი ქუმსიშვილის განცხადებით, მიმდინარეობს მუშაობა, რომ ჯანდაცვის სამინისტროსა და „ლიბერთი ბანკს“ შორის გაფორმებული ხელშეკრულება პენსიონერების სასარგებლოდ გაუმჯობესდეს. კერძოდ, პენსიონერს პენსიის წინასწაარ აღების შემთხვევაში, შესაძლოა, საპროცენტო განაკვეთი შეუმცირდეს.
,,ამოცანა, რომელიც დგას ჩვენს წინაშე, რა თქმა უნდა, არის ის, რომ პენსიონერებს უნდა შეუმსუბუქდეს წნეხი, რომელიც მათ შეიძლება ჰქონდეთ იგივე სესხის აღების დროს. დღეს არსებობს გაფორმებული ხელშეკრულება ჯანდაცვის სამინისტროსა და ლიბერთი ბანკს შორის, სადაც პირობები გაწერილია. თუმცა, ჩვენ ვმუშაობთ იმაზე, რომ პენსიონერების სასარგებლოდ მოხდეს გარკვეული გაუმჯობესება” – განაცხადა ქუმსიშვილმა.
