სამგზავრო ბარათის აღების მოლოდინში, პენსიონერთა ნაწილი დილიდან შეკრებილია ვაჟა-ფშაველას გამზირზე. მათი თქმით, ისინი უკვე რამდენიმე დღეა ცდილობენ ბარათის აღებას, მაგრამ უშედეგოდ.
მერიის ჯანდაცვისა და სოციალური დაცვის სამსახურში “მეტრონომს” განუცხადეს, რომ ბარათების გაცემა სისტემაში დღეს დილით, გაჩენილი ტექნიკური ხარვეზის გამო ვერ ხერხდება.
მერიაში ზუსტ დროს ვერ ასახელებენ როდის აღდგება ბარათების გაცემის პროცედურა, თუმცა ამბობენ, რომ ინფორმაციული ტექნოლოგიების სპეციალისტები ტექნიკური ხარვეზის აღმოფხვრაზე მუშაობენ.