ოკუპირებული სამხრეთ ოსეთის ე.წ. საგარეო საქმეთა მინისტრი კაზბულატ ცხოვრებოვი გადადგა. ამის შესახებ „სპუტნიკ ოსეტია“ საკუთარ წყაროზე დაყრდნობით წერს.
წყაროს თანახმად, ცხოვრებოვმა თანამდებობა საკუთარი სურვილით დატოვა და შესაბამისი განცხადება ე.წ. პრეზიდენტს წარუდგინა. მისი გადადგომის მიზეზი უცნობია.
ცხოვრებოვი მარიონეტულ რეჟიმში ე.წ. საგარეო საქმეთა მინისტრის უფლებამოსილებას 2015 წლის ივლისიდან ასრულებდა.