ცხოველთა უფლებადამცველებმა აქცია „ნუ იქნები შემდეგი“ გამართეს.
დედაქალაქის საკრებულოსთან შეკრებილებმა რამდენიმე დღის წინ მომხდარი ფაქტი გააპროტესტეს, როგორც თავად იხსენებენ, 18 წლის გოგო შეესწრო ფაქტს, როგორ ურტყამდა ქალი კატას თავში ბლაგვ საგანს. მას შემდეგ, რაც გოგონამ კატის დაცვა სცადა, ქალი მას ფიზიკურად გაუსწორდა, ამიტომაც აქციის მონაწილეები მის დასჯას ითხოვენ. ამასთანავე, მათი მოთხოვნაა, ქვეყანაში უფრო მეტად იყოს დაცული ცხოველთა უფლებები.