ნიკა მელიამ პენსიონერებს “ენმ”-ის საპენსიო რეფორმა გააცნო.
როგორც მელიამ პენსიონერებს შეხვედრაზე განუცხადა, „ნაციონალური მოძრაობის” ხელისუფლებაში მოსვლისთანავე პენსია გახდება 400 ლარი.
„მიუხედავად იმისა, რომ თქვენი პენსია მნიშვნელოვნად კარგავს მსყიდველობითუნარიანობას, „ქართული ოცნება“ მიმდინარე წელს არც კი აპირებს არცერთი თეთრით პენსიის მატებას,“ – განაცხადა ნიკა მელიამ.
მელიას თქმით, მმართველმა გუნდმა 6 წლის განმავლობაში მხოლოდ 30 ლარით გაზარდა.