თბილისის მერი კახი კალაძე ბიზნეს სექტორს მიმართავს და მოუწოდებს გეგეშიძის ბაღთან, რკინიგზის სადგურთან და ვარკეთილის მეტროს მიმდებარე ტერიტორიაზე მიწისქვეშა პარკინგის მოწყობასთან დაკავშირებით გამოცხადებულ ინტერესთა გამოხატვაში მიიღონ მონაწილეობა.
“ჩვენ 3 ლოკაციაზე – გეგეშიძის ბაღთან, რკინიგზის სადგურთან და ვარკეთილის მეტროს მიმდებარე ტერიტორიაზე გამოვაცხადეთ ინტერესთა გამოხატვა. მინდა მივმართო ბიზნეს სექტორს, ყველა დაინტერესებულ პირს, იაქტიურონ, რომ ეს პროექტები იქნეს განხორციელებული.
ჩვენ სიმბოლურ ფასად, 1 ლარად გადავცემთ ამ კონკრეტულ ლოკაციებს. დაახლოებით, 715 საპარკინგე ადგილის მოწყობაა შესაძლებელი ამ სამი ლოკაციით და დარწმუნებული ვარ, ბიზნესი იაქტიურებს და ჩვენ შევძლებთ ამ პროექტების განხორციელებას“, – განაცხადა კახა კალაძემ დედაქალაქის მთავრობის სხდომაზე