მაუწყებლობის შესახებ კანონში ცვლილება იგეგმება-ერთ-ერთმა მუხლმა (56-ე) შესაძლოა თვითრეგულირების სფეროდან რეგულირების სფეროში გადაინაცვლოს. ინიციატივის ავტორია კომუნიკაციების ეროვნული კომისია. პროექტის მიხედვით, თუ აქამდე მაუწყებელი თვითონ ირეგულირებდა თავს, ისეთ საკითხებში, როგორიცაა -შუღლის გაღვივება, დისკრიმინაცია, ძალადობის წახალისება, ომის პროპაგანდა და სხვა, კანონის შემოღების შემთხვევაში ეს რეგულირება სახელმწიფოს პრეროგატივაში შევა.
საკითხის განხილვაში ჩართულია არასამთავრობო სექტორი, მაუწყებლების წარმომადგენლები, რომელთა ნაწილი ამ რეგულირებაში მედია გარემოსთვის და სიტყვის თავისუფლებისთვის საფრთხეს ხედავს.
