ფინანსთა მინისტრი მამუკა ბახტაძე ხვალ ბილ გეიტსს შეხვდება.
მინისტრის თქმით, ჩქაროსნული მაგისტრალის და ღრმაწყლოვანი პორტის პროექტების განხორციელებაში მსოფლიო ბანკი აქტიურად აპირებს ჩარევას.
“ინფო 9”-ის ინფორმაციით, თავისუფალი სავაჭრო რეჟიმი ჩინეთთან და ევროკავშირთან – ეს იყო ერთ-ერთი მთავარი საკითხი ვაშინგტონში, მსოფლიო ბანკში გამართულ შეხვედრაზე, სადაც საქართველო სპეციალური სტუმრის სტატუსით მიიწვიეს. არ არის გამორიცხული, უახლოეს მომავალში ქართულ-ჩინური საწარმოები ამოქმედდეს, პროდუქცია კი ევროკავშირის ბაზარზე გავიდეს.
დაგეგმილია შეხვედრები უცხოელ ინვესტორებთან. მთავარი აქცენტი ინფორმაციული ტექნოლოგიების განვითარებაზე გაკეთდება.
მამუკა ბახტაძე ხვალ მაიკროსოფტის დამფუძნებელ ბილ გეიტსს შეხვდება.
მინისტრი აშშ-ში 18 აპრილს გაემგზავრა.