მამაკაცი, რომელსაც დღეს ვარკეთილში ავტომობილი დაეჯახა, საავადმყოფოში გარდაიცვალა.
ინფორმაციას 1tv.ge ავრცელებს.
როგორც ცნობილია, მამაკაცს „ფორდის“ მარკის ავტომობილი დღის პირველ ნახევარში დაეჯახა.
გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
შსს-ს ცნობით, გამოძიების ფარგლებში, დანიშნულია ექსპერტიზები. სამინისტროში არ აკონკრეტებენ, დააკავეს თუ არა ავტომობილის მძღოლი, რომელიც მამაკაცს შეეჯახა.