ლონდონის ერთ-ერთ მეტროსადგურთან სროლის შედეგად 3 ადამიანი დაშავდა. მათგან ორი კაცი, ერთი კი ქალია. ისინი საავადმყოფოში გადაიყვანეს.
ადგილობრივი პოლიციის ინფორმაციით, მომხდარი არ ყოფილა ტერორისტული აქტი და ჯერ ბრალდებული არ დაუკავებიათ.
სამძებრო ოპერაცია მთელი ღამის განმავლობაში მიმდინარეობდა. დახურული იყო მეტროსადგური, რომლის მიმდებარე ტერიტორიაზეც სროლა მოხდა. ამ დრომდე უცნობია თავდასხმის მოტივი.