კახეთში, ქალაქ თელავის მუნიციპალიტეტის სოფელ ქვემო ხოდაშენში გამგებელი დააკავეს. ალექსანდრე ესიტაშვილს სამართალდამცველები ქრთამის აღებაში ადანაშაულებენ.
გამოძიების მტკიცებით, გამგებელმა ღვინის ქარხანაში წარსადგენი ყალბი ცნობის გაცემის სანაცვლოდ მოქალაქისგან ათასი ლარი აიღო. ალექსანდრე ესიტაშვილი ამჟამად დაკავებულია – ის კახეთის სამხარეო მთავარ სამმართველოში, წინასწარი მოთავსების იზოლატორშია გადაყვანილი.