კახეთის გუბერნატორის კომენტარი პანკისელი სალაფიტების მიმართ მის მუქარაზე.
კურიერთან სატელეფონო ინტერვიუს დროს ირაკლი ქადაგიშვილი უარყოფს იმამის ოფიციალური წარმომადგენელის ბრალდებას და აცხადებს, რომ მსგავსი არაფერი მომხდარა.
„რაღაცეებს, ვიღაცის მონაყოლებს, იქ ნამყოფი რომ არ არის კაცი, იმის მონაყოლების ტირაჟირება გინდათ კიდე? კარგით რაა,“ – აღნიშნა კახეთის სახელმწიფო რწმუნებულმა – გუბერნატორმა ირაკლი ქადაგიშვილმა.
ცნობისთვის, იმამის ოფიციალურმა წარმომადგენელმა იურისტების და თემირლან მაჩალიკაშვილის ოჯახის წევრების შეხვედრის სკანდალური დეტალი გაახმაურა.
მისი თქმით, ხეობაში ჩასული კახეთის გუბერნატორი პანკისელ სალაფიტებს დაემუქრა და უთხრა, რომ მადლობა უნდა თქვან იმის გამო, რომ მათ ისევე არ კლავენ, როგორც ჩეჩნეთში.